Piku lehorrak oso energetikoak dira, karbohidrato asko dituztelako. Kaltzio-aberastasuna ere badute, eta, beraz, oso egokiak dira hazteko eta osteoporosia prebenitzeko. Era berean, potasio asko dute, ezinbestekoa gorputz-likidoak erregulatzeko eta bihotz-erritmoa, nerbio-sistema eta muskulu-masaren ekoizpena kontrolatzeko. Burdinazko, fosforozko, magnesiozko eta A, B eta C bitaminazko iturri ona dira. Piku deshidratatuak zuntzez ere aberatsak dira, bai zuntz disolbagarriz (pektina), odoleko kolesterol-mailak murrizten laguntzen diguna, bai zuntz disolbaezinez, hesteetako mugikortasuna asko hobetzen duena.